الحروب العصريّة إفشال الحكومات بالحرب الإعلاميّة …بقلم ياسين العياري

الحروب العصريّة إفشال الحكومات بالحرب الإعلاميّة ...بقلم ياسين العياري

نحبطك نفشلك نركبهالك إلي فمة أزمة خانقة و بش نموتو الكل! و بعد نجيبلك حل سحري منغير ما نفسرلك كيفاه بش يحل الأزمة الي موجودة في خيالك و نخليك تصفق!
الكلها لعبة إحباط فتفائل!
باهي شنية الأزمة؟ الدنيا غلات؟ ماهي تغلى في العالم الكل و كل عام! تي هاي نسبة النمو إيجابية!
شنية الأزمة؟ البطالة؟ تي هاني البطالة ماكلة العالم الكل! تي هاي نقصت في تونس!
تي ويني الأزمة؟ طاح دخلك يا مواطن بين 2011 و 2012 أكثر ملي طاح بين 2005 و 2006؟
تره خلي نعمل طلة على أرقام الإقتصاد، على أرقام بورصة تونس! تي ويني الأزمة؟













نحبطك نفشلك نركبهالك إلي فمة أزمة خانقة و بش نموتو الكل! و بعد نجيبلك حل سحري منغير ما نفسرلك كيفاه بش يحل الأزمة الي موجودة في خيالك و نخليك تصفق!
الكلها لعبة إحباط فتفائل!
باهي شنية الأزمة؟ الدنيا غلات؟ ماهي تغلى في العالم الكل و كل عام! تي هاي نسبة النمو إيجابية!
شنية الأزمة؟ البطالة؟ تي هاني البطالة ماكلة العالم الكل! تي هاي نقصت في تونس!
تي ويني الأزمة؟ طاح دخلك يا مواطن بين 2011 و 2012 أكثر ملي طاح بين 2005 و 2006؟
تره خلي نعمل طلة على أرقام الإقتصاد، على أرقام بورصة تونس! تي ويني الأزمة؟
إضطرابات إجتماعية؟ تي هاو إتفقت الدولة و الأعراف و النقابات على عقد إجتماعي!
الأزمة بدات من نهارة نتائج الإنتخابات! قبل حتى ما تتشكل الحكومة جملة! إعتصام باردو من أول جلسة للمجلس! ما عندو حتة علاقة بالكفائة و النتائج! و قعد هكاكة : منبعو عاطفي إيديولوجي!
تي واحد يتكرم يوريني هالأزمة الخانقة الي بش نموتو الكل؟!
الأزمة : إنك فادد، يائس، تاعب، روحك طالعة : محبط و تلوج على أي أمل حتى كان ما تراش كيفاه حكومة تكنوكراط باش تصلح الخايب، حاشتك بشوية أمل و أعصابك ترتاح و ينقص عليك الشد العصبي
يعني الأزمة عاطفية في الأساس : متراكاج مدياتيك على تهويل على إشاعات على معاودة نفس الديسك كل يوم : جد عليك!
المشكل يا مواطن الي الإحباط الي عملوهولك، و الحل السحري المسموم الي جابوهولك : ممكن يرتحك توة لكن سومو غالي برشة على أولادك! يزي م العاطفة و حكم العقل و خلي طريق واحد للحكم : إنت، صوتك، الصندوق و طريق واحد للخروج من الحكم : إنت، صوتك، الصندوق و كان جادة عليك حكاية التكنوكرات ميسالش تعب نفسك و أقرى إش عملو التكنوكرات، chicago boys في الشيلي : بش إتعبك انك تقرى شوية، حكاية عقل الي ماعاد يخاطب فيه حد توة : الكلها تغني على العاطفة : إحباط، تخويف و أمل كاذب باش يخليوك تسلم و إنت تصفق كي البوهالي في حقك كالمصدر الأوحد للسلطة و لنزع السلطة! توة جد عليك الي موش منتمي لحزب أذكى و حيجيب الصيد من ذيله و يوكل كل جيعان و حتبقى علينا القيمة في المسرح و في السيما و في جنينة الحيوان؟

http://al-sada.net/?p=6591